Rafíþróttir Breiðablik Vorönn 2024

Skráning er hafin á vorönn rafíþróttadeildar Breiðabliks.

Hægt er að nýta frístundastyrk Kópavogs til að greiða niður æfingagjöld!

Smellið hér til að skrá – ATH innskráning með rafrænum skilríkjum nauðsynleg.

• Smellt er á Ísland.is logoið til að hefja innskráningu með rafrænum skilríkjum
• Að innskráningu lokinni þarf að smella á upphafsstafi barnsins til að sjá þau námskeið sem því býðst.
• Næst er best að ýta á flokkinn “Rafíþróttir” til að sjá úrval þeirra greina sem eru í boði.

–

Vorönn Breiðabliks og Arena hefst 8. janúar og lýkur í maí. Æft er tvisvar í viku, 90 mínútur í senn undir handleiðslu þjálfara sem eru menntaðir í rafíþróttaþjálfun frá RÍSÍ auk þess að vera með töluverða reynslu í umsjón og umgengni við börn.

Á vorönn eru í boði eftirfarandi greinar: Minecraft, Fortnite, Rocket League, Overwatch, Herkænsku/RPG hópur, FPS hópur og síðan Mix hópur. Ungmenni á aldrinum 7 til 15 ára geta tekið þátt í starfinu en þó eru einhverjir hópar með þrengra skilgreindum aldursreglum. Sjá stundaskrá.

Mix yngri og eldri: Í blönduðum/mix hóp velja krakkar mismunandi leiki á hverri æfingu, allir leikir eru í boði en leyfi foreldra þarf ef spila á leiki sem hafa lágmarks aldursviðmið. Mix hópur leggur áherslu á að krakkarnir kynnist hver öðrum og því að spila í hópum. Minni áhersla lögð á þróun hæfni í hverjum leik fyrir sig og meiri áhersla á félagslega þáttinn. Mælt með fyrir krakka á aldrinum 7-11 ára en öll velkomin.

FPS Hópur: Í þessum hóp er sjónum beint að vinsælum fyrstu persónu skotleikjum s.s Counter Strike 2, Valorant, Call of Duty og fleiri leikjum. Allir leikir í þessum hóp hafa lágmarks aldursviðmiðið 16 ára og því jafngildir skráning í hópinn því að foreldri gefi leyfi fyrir sitt barn að spila leikina. Áhersla er lögð á aukna hæfni í FPS leikjum sem allir deila svipuðum megin þema auk þess að þjálfa félagslega færni og læra að spila saman í hóp.

Herkænsku/RPG hópur: Í þessum hóp eru spilaðir leikir einsog League of Legends, Dota 2 og aðrir “real time strategy” leikir sem allir deila svipuðum meginþemum og aðferðum. Áhersla er lögð á aukna hæfni og skilning á þessum leikjum sem og að þjálfa félagslega færni og læra að spila saman í hóp.

Minecraft / Fortnite / Rocket League / Overwatch hópar: Þessir hópar einbeita sér að sínum leik og leggja mikla áherslu á aukna færni og sérhæfingu í sínum leik. Einnig er lögð áhersla á félagslega færni og það hvernig eigi að spila saman í hóp.

–

Dagskrá vorannar 2024 hjá Rafíþróttadeild Breiðabliks:

–

Eins og áður hefur komið fram þá er aðstaða deildinnar hjá okkur í Arena, Smáratorgi 3 sú flottasta á landinu.

Hægt er að skoða aðstöðuna hjá Arena alla daga vikunnar ásamt því að grípa í pinnann eða músina gegn vægu gjaldi, að ógleymdum veitingastaðnum Bytes.

Það kostar ekkert að koma og prófa 1-2 æfingar í upphafi annar. Hlökkum til að sjá ykkur!

–
Ef einhverjar spurningar vakna hafið samband við yfirþjálfara Arena, Daníel Sigurvinsson á netfanginu danielsig@arenagaming.is.