Arena Gaming 👾 | Rafíþróttir

Rafíþróttir

Rafíþróttir Arena

Arena vill efla keppni í tölvuleikjum á Íslandi og stuðla að bætingu spilara með markvissum æfingum og heilbrigðum spilaháttum. Við viljum einnig styðja við virka samkeppni innanlands sem og hjálpa íslenskum spilurum að komast í fremstu raðir. Þessu viljum við áorka með því að skapa félagslegt og stuðningsríkt umhverfi fyrir spilara landsins sem vilja koma saman og bæta sig.
Það er okkar trú að markviss æfing á tölvuleikjum í réttu umhverfi getur haft jákvæð áhrif á spilara.

Kennslustundirnar verða 90 mínútna langar, nemendur eru um 20 talsins í hverjum hóp. Byrjað er á 20 mínútna hreyfing, fræðsla og upphitun til þess að liðka, teygja, tryggja góða líkamstöðu og koma í veg fyrir álagsmeiðsl. Spilað er í 50 til 55 mínútur sem er gott viðmið þegar kemur að skjátíma barna.

Æfing í rafíþróttum lítur svona út.

20 mín - Hreyfing og fræðsla.

20 mín - Upphitun í spilun.

15 mín - Teygjur, hreyfing og leikir.

30 mín - Spilun með markmiði og skipulagi.

5 mín - Slökun og teygjur.

Yfirþjálfari Arena

Þórir Viðarsson er yfir rafíþróttum Arena. Þórir er með yfir 20 ára reynslu í að keppa og halda viðburði í rafíþróttum hér á Íslandi. Einnig stofnaði Þórir Rafíþróttadeild KR og var þar yfirþjálfari og formaður. Þórir hefur klárað ÍSÍ - Þjálfaranám stig 1 og 2 og einnig þjálfaranám sem RÍSÍ (Rafíþróttasamtök Íslands) bjóða uppá. Hægt er að hafa samband við Þórir í tölvupóst - [email protected]

Fréttir tengdar rafíþróttum