Rafíþróttir
hjá Arena

Rafíþróttir í Arena snúast um meira en að spila bara tölvuleiki. Við kennum börnum og ungmennum að æfa rafíþróttir á heilbrigðan, öruggan og uppbyggilegan hátt.
Við byrjum æfingar á hreyfingu, tökum einfaldar styrktaræfingar og gerum teygjur. Við vinnum með líkamsstöðu og góðar venjur og tölum líka um svefn, mat og upphitun. Þannig læra iðkendur hvað hjálpar þeim að einbeita sér, bæta sig og lifa heilbrigðum lífsstíl.

Við ræðum nethegðun og netöryggi. Við förum yfir virðingu í samskiptum, mörk og hvað á að forðast á netinu. Markmiðið er að iðkendur verði öruggir og kurteisir, bæði innan leiks og utan.

Rafíþróttir eru liðsíþrótt. Við byggjum upp liðsheild, æfum samskipti og samvinnu og vinnum með einbeitingu, sjálfstjórn og markmiðasetningu. Iðkendur fá tækifæri til að sjá eigin framfarir með einföldum mælingum. 

Á hverri önn eru oft tvö til þrjú mót þar sem krakkar úr mörgum félögum koma saman og keppa, oft í Fortnite og Minecraft. Mótin eru skemmtileg, hvetjandi og góð leið til að upplifa keppni á jákvæðan hátt. Foreldrar eru hvattir til að mæta og fylgjast með.